SCERT KERALA TEACHER'S NOTE FirstBell 2.0 STD II Mathematics - Unit 5 Jungle our Home - Teacher's Note (12/01/2022)

Class 2 ഗണിതം - Unit 5 കാട് ഞങ്ങളുടെ വീട് - Teacher's Note (12/01/2022)

Class 2 Mathematics - Unit 5 Jungle our Home - Teacher's Note

ഇന്നത്തെ ക്ലാസ്സ് കണ്ടോ കൂട്ടുകാരെ, എന്നാൽ ഇനി Jose Prasad സാർ തയ്യാറാക്കിയ ഈ നോട്സ് ഒന്ന് കണ്ടോളൂ ...

TEACHER'S NOTE

(Prepared by: Jose Prasad)

Std 2. Mathematics (12/01/2022)

unit 5. കാട് ഞങ്ങളുടെ വീട്

കഴിഞ്ഞ ദിവസം നൽകിയ പ്രവർത്തനത്തിൻ്റെ ഉത്തരം ശരിയാണോയെന്നാണ് നമ്മൾ ആദ്യം പരിശോധിച്ചത്. പിന്നെ അൽപ്പം കുഴപ്പം പിടിച്ച ഒരു പ്രവർത്തനമാണ് ടീച്ചർ തന്നത്. പത്തു സംഖ്യകളെ വലുതിൽ നിന്ന് ചെറുതിലേക്ക് ക്രമീകരിക്കണം!

അവരോഹണ ക്രമത്തിൽ ക്രമീകരിക്കുക

ചോദ്യം:

താഴെ കൊടുത്തിരിക്കുന്ന സംഖ്യകളെ വലുതിൽ നിന്ന് ചെറുതിലേക്ക് ക്രമീകരിക്കുക.

58, 16, 190, 94, 45, 24, 99, 175, 200, 128

എങ്ങനെ കണ്ടെത്തും?

സംഖ്യകളുടെ എണ്ണം കണ്ട് പേടിക്കുകയൊന്നും വേണ്ട. നമുക്ക് ഓരോന്നായി കണ്ടെത്താം.

സംഖ്യകളിൽ രണ്ടക്ക സംഖ്യകളും മൂന്നക്ക സംഖ്യകളും ഉണ്ട്. രണ്ടക്ക സംഖ്യകളെക്കാൾ വലുത് മൂന്നക്ക സംഖ്യകളായിരിക്കുമല്ലോ. അവ നാലെണ്ണമുണ്ട്.

അവയുടെ നൂറുകളുടെ സ്ഥാനം പരിശോധിക്കുക. നൂറുകളുടെ സ്ഥാനത്ത് വലിയ അക്കം ഉള്ള സംഖ്യയാണ് കൂട്ടത്തിൽ ഏറ്റവും വലിയ സംഖ്യ. ഇവിടെ അത് 200 ആണ്.

                 പിന്നെയും മൂന്ന് മൂന്നക്ക സംഖ്യകൾ കൂടിയുണ്ട്. അവയുടെ എല്ലാം നൂറുകളുടെ സ്ഥാനത്ത് 1 ആണ്. അപ്പോൾ പത്തുകളുടെ സ്ഥാനത്തെ വലിയ അക്കം ഏതു സംഖ്യക്കാണെന്നു നോക്കണം. പത്തുകളുടെ സ്ഥാനത്ത് 9 വരുന്ന 190 ആണ് അടുത്ത സംഖ്യ. പിന്നെ 175 ഉം 128 ഉം.

                  ഇപ്പോൾ നമുക്ക് ആദ്യത്തെ നാല് സംഖ്യകൾ ക്രമത്തിൽ കിട്ടി. ബാക്കിയെല്ലാം രണ്ടക്ക സംഖ്യകളാണ്. ആദ്യം അവയുടെ പത്തിൻ്റെ സ്ഥാനം പരിശോധിക്കണം, പത്തിൻ്റെ സ്ഥാനം ഒന്നിലധികം സംഖ്യകൾക്ക് ഒരുപോലെ ഉണ്ടെങ്കിൽ ഒന്നുകളുടെ സ്ഥാനം കൂടി പരിശോധിച്ച് വലുതു കണ്ടെത്താം.

                   പത്തുകളുടെ സ്ഥാനത്ത് 9 വരുന്ന രണ്ട് സംഖ്യകളുണ്ട്. 94 ഉം 99 ഉം. ഇവയിൽ ഒന്നുകളുടെ സ്ഥാനത്ത് 9 വരുന്ന 99 ആണ് വലിയ സംഖ്യ. അപ്പോൾ അഞ്ചാമത്തെ സംഖ്യ 99 ഉം ആറാമത്തേത് 94 ഉം ആണ്. ഇനി ബാക്കി ഇതുപോലെ കണ്ടുപിടിക്കാൻ വിഷമമുണ്ടാവില്ല.

ഉത്തരം:

200, 190, 175, 128, 99, 94, 58, 45, 24, 16.

നീളം നോക്കി നമ്പർ ഇടാം

പാചകപ്പുരയ്ക്ക് തൂണു നാട്ടാനായി മുയലും ജിറാഫും തത്തയും ഓരോ കമ്പുമായി വന്നിട്ടുണ്ട്. കമ്പുകളുടെ നീളം നോക്കി 1, 2, 3 എന്ന് നമ്പർ ഇടാമോ? 

ഏറ്റവും നീളമുള്ളതിനാണ് 1 എന്ന നമ്പർ കൊടുക്കേണ്ടത്.

നീളം അളക്കാം

             ബോർഡിനാണോ മേശയ്ക്കാണോ നീളം കൂടുതലെന്ന് ടീച്ചർ ചോദിച്ചപ്പോൾ നമ്മൾ ആദ്യമൊന്നു കുഴങ്ങി. രണ്ടിൻ്റെയും നീളം ഏകദേശം ഒരുപോലെയുണ്ട്.

        എന്നാൽ ടീച്ചർ കൈ കൊണ്ട് ചാൺ അളവ് എടുത്തപ്പോൾ ബോർഡിനാണ് നീളം കൂടുതലെന്ന് കണ്ടെത്തി.

എന്താണ് ചാൺ?

കൈപ്പത്തി വിടർത്തി വെച്ച് പെരുവിരലിൻ്റെ അഗ്രം മുതൽ ചെറുവിരലിൻ്റെ അഗ്രം വരെയുള്ള നീളമാണ് ഒരു ചാൺ. പണ്ടുള്ളവർ ഇങ്ങനെ നീളം അളന്നിരുന്നെങ്കിലും ഇത് ഒരു അംഗീകൃത രീതിയല്ല.

നമുക്കും നീളം അളന്നു നോക്കാം

വീട്ടിലെ മേശയുടെയോ കട്ടിലിൻ്റെയോ നീളം ചാൺ ഉപയോഗിച്ച് അളന്ന് നിങ്ങൾ നോട്ട് ബുക്കിൽ എഴുതൂ. എന്നിട്ട് അതേ വസ്തു തന്നെ വീട്ടിലെ മുതിർന്ന ഒരാളോടും ചാൺ ഉപയോഗിച്ച് അളക്കാൻ പറയൂ. ആ ഉത്തരവും നോട്ട് ബുക്കിൽ എഴുതണം.

                       രണ്ടു പേർക്കും ഒരേ അളവാണോ കിട്ടിയത്? എന്തായിരിക്കും കാരണം? ആലോചിച്ചു നോക്കൂ. കാര്യം പിടികിട്ടിയില്ലെങ്കിൽ കൂടുതൽ ആലോചിച്ചു വിഷമിക്കേണ്ട, അടുത്ത ക്ലാസ്സിൽ ടീച്ചർ പറഞ്ഞു തരും.

👉ഈ ക്ലാസ്സിന്റെ വർക്ക് ഷീറ്റിനായി ഇവിടെ ക്ലിക്കിക്കോളൂ 

👉കഴിഞ്ഞ ക്ലാസ്സിന്റെ Teacher's Note നായി ഇവിടെ ക്ലിക്കിക്കോളൂ 

👉 ഇന്നത്തെ വർക്ക് ഷീറ്റുകൾ

👉 SSLC Complete Study Material

👉 First Bell 2.0 Videos STD 1 to 12 

👉 First Bell 2.0 Worksheet (Std 1 to 10) (EM/MM)

👉 SCERT Study Notes (Std 1 to 10) (EM/MM)

👉 SCERT Textbooks pdf  (Std 1 to 12) (MM/EM)

👉 NCERT / CBSE Textbooks pdf  (Std 1 to 12)

👉 NCERT / CBSE Study Notes (Std 1 to 12)

👉 Quiz 

👉 Teachers Hand Book (SCERT)

👉 Teachers Hand Book (NCERT / CBSE)

👉 ACTIVITY WORKSHEETS STD 8, 9 - Click here

ഈ ബ്ലോഗിലെ എല്ലാ പോസ്റ്റുകളും ഒരുമിച്ച് കാണാനും ആവശ്യമുള്ളവ എളുപ്പത്തിൽ തിരഞ്ഞെടുക്കാനും ഇവിടെ ക്ലിക്കുക.
PSC Solved Question Papers ---> Click here 

PSC TODAY's EXAM RESULTS ---> Click here

PSC EXAM PROGRAMME -> Click here

CURRENT AFFAIRS QUESTIONS -> Click here

PSC Degree Level Questions & Answers - Click here

PSC 10th, +2 Level Questions & Answers - Click here

PSC RANK LISTS / SHORTLISTS -> Click here

PDF BOOKS - Click here
TEACHING APTITUDE TEST (K-TET, C-TET,, etc.) ---> Click here